Turkey bus beihnaah sipai 13 an thi

Turkey rama Kayseri khuaah sipai phurtu bus chu Inrinni khan bomb hmanga beih a ni a, sipai 13 an thi a, mi dang 53 in hliam an tuar. Hliam zingah hian civil mi eng emaw zat an tel.

Sipai thupuangtu chuan eng pawl mahin bus beitu an nih thu an la sawi lo niin a tarlang a, mahse official-te chuan he pawikhawihna hi dan pawna hnawl, Kurdistan Workers Party (PKK) te tih niin an siaw thung.

Regional governor Suleyman Kamci chuan Kayseri-a bus hi thihchilh bomb hmanga beih a nih thu a sawi a, bus hi Erciyes University luhna gate bulah a ding a, he bus-a sipai chuangte hi sipai hmunpui aṭanga chawlh hmang tura kal turte an ni.

Pawikhawihna thleng kaihhnawihah hian mi pasarih man an ni tawh.

Turkey Deputy Prime Minister Numan Kurtulumus chuan Kayseri-a bus beihna hmanrua te chu, kar khat liamtaa Istanbul-a PKK-te pawikhawihna thlenna hmanrua nen a inang niin a sawi.