Taliban sorkarin nawrh huaihawt khapna a thlawp

Afghanistan-a Taliban sorkar chuan an rama nawrh huaihawt khapna siam chu human rights pawl hrang hrangin dem mah se a thlawp tlat tih a sawi a, khapna siam hi Islamic dan nen a inrem thu a sawi.

Taliban ten thuneihna an chan hnuah nawrh huaihawt hi a thleng mang lo a, hetichung hian sorkar chuan August thla khan nawrh hrang hrang khapna dan thar a tichhuak a ni. He dan hi khawvel huap pawl hrang hrangin an sawisel a, an ram chhunga sorkar sawisel leh dodalte nuaibo tumna hmanrua niin an sawi. Mahse, Nilaini khan sorkar thupuangtu, Zabihullah Mujahid chuan, "He dan hi Islamic dan nen a inmil thlap a ni," tiin Islamic danah chuan nawrhna hi a awm ve lo, a ti.

Islamic kalphungah chuan nawrhna huaihat aiin, mipuite chuan an harsatna leh lungawi lohnate chu sorkar hnenah an thlen thei a ni tiin, Mujahid-a chuan he khapna hian mipuite hun khawhralna lakah a ven dawn bakah, mimal thil hlu tihchhiatna lakah a veng dawn bawk a ni tiin sawi.

Human Rights Watch chuan he khapna hi Taliban-te anmahni dodaltute laka an chetna nunrawng tak a ni a ti a, Amnesty International pawhin Taliban-te dan thar siam hrang hrangte chu Afghanistan-a mihring dikna leh zalenna beihna nasa tak" a ni tih a sawi ve bawk. a