Philippine Vice President manna tur thupek tichhuak

Philippine court chuan nimin khan an ram vice president Sara Duterte manna tur thupek a chhuah. Hei hi president Ferdinand Marcos Jr., a nupui leh House Speaker hlui-te vaua puh a nih vang a ni.

Trial court-in thupek a tihchhuahah hian Duterte-i hian President leh mi dangte hi a vau nia sawi chungchangah thubuai pathuam siamsak a ni a, heng thubuai pathumah hian bail-a chhuahna turin USD 1,900 ṭheuh a bituk bawk.

He thubuai hi November 2024-a Duterte-i thil sawi chungchang avanga siam an ni. Hemi ṭum hian Duterte chuan thah a nih hlauh chuan an president Marcos, a nupui leh a unaupa, hetih hun laia House Speaker te chu that ve nghal tura mi thah hmang a biak lawk thu a sawi. Mahse a thusawi hi vauna a ni lo tih sawi bawk.

President leh mi dangte a vau nia puh Senate in a ngaihtuah mek a ni. Thiam loh chantir a nih chuan, vice president a nihna aṭangin ban a ni thei dawn a, kum 2028-a an ram president nih a tumna pawh a tichhe thei dawn a ni.

Duterte-i hi vice president a nih chhung leh education minister a nih laia mipui pawisa (public funds) dik lo taka hmangah puh a ni bawk a, mahs e an puhna hi thu dik lo a nih thu sawiin a pha thung.