US House of Representatives Speaker atan Nancy Pelosi thlang

California Democrat Nancy Pelosi chu US House of Representatives Speaker atan thlan leh a ni. 

Kum 78 mi Nancy Pelosi chuan House Speaker atana thlan leh a ni chu lawmawm a tih thu sawiin, hmeichhiaten vote an thlak theih kum 100-a tlinnaa he dinhmun a chelh chu a inchhuang hle tih a sawi bawk. Hei bakah hian an ram chanchina Congress-a hmeichhe member an tam ber ṭuma a tel ve thei chu lawmawm a tih thu a sawi.

Mid-term election neih hnuah House-ah hian hmeichhe member 102 an awm a, heng zingah 36 hi thlan thar niin, mihang 43 an awm bawk a ni. Roreltu thlan thar zinga a tam zawk hi Democrats member niin, Muslim hmeichhe Congress member hmasa ber pawh a awm a ni. 

Nancy Pelosi chuan Congress rorelna chu langtlang leh induhsak bik awm loa kalpui a tiam a, America mipuite mamawhte pe tur leh a tana thawk tura theihtawp chhuah a tiam a ni. Memberte chu inzahtawn tawn a, thudik zah turin a chah nghal bawk.