US House-in shutdown tihtawpna tur bill pass

US House of Repre-sentatives chuan kar hnih chhung sorkar department ṭhenkhat hnathawk thei loa awm, shutdown tihtawpna turin bill pahnih an pass a, mahse President Donald Trump-an US-Mexico ramri hungna bang siamna sum a phut erawh an la pass thei lo. 

House-a thuneihna changtu, Democrats chuan fiscal year kallai mek tawp hun, September 30 thleng atana State, Commerce, Agriculture, Labor, Treasury department leh agency dangte sum pekna tur bill an pass a ni. Hetihlai hian President Trump chuan ramri hungna tur sum a phut ang pek tel a nih loh chuan heng bill-te hi a vote hmanga lo danah a vau zui thung.