Iran-in US lawng a beih hnuah US-in Iran oil tanker 3 kap chhia lawng

Islamic Revolutionary Guard Corps (IRGC) in kar liam ta Inrinnia Strait of Hormuz-a US navy indo lawn pahnih ballistic missile hmanga an beih hnuah, US sipaite chuan Iran oil tanker pathum an kap ve nghal.

US Central Command chuan an aircraft carrier leh guided-missile destroyer-te chuan Iran-in a beihna chu him takin an pumpelh thei tih a a tarlang. Iran beihna thungrulh nan US sipai chuan Iran oil tanker pahnih, M/T Downy leh M/T Stark 1-te chu Kharg Island leh Jask bulah an kap chhia a, lawng dang pakhat chu Gulf of Oman-ah an kap bawk niin a sawi.

He inbeihnaah hian US sipai hliam an awm lo tih Central Command chuan a sawi. Iron oil tanker an kah fuhte IRGC leh a thlawptute tana sum tam tak hmuhna tur a nih tih a sawi. Central Command commander, Admiral Brad Cooper chuan US sipaite chuan mahni inven nan an che zel dawn tih sawiin, a ṭul a nih chuan Iran oil phurtu lawngte chu an tichhe zel ang, a ti. "IRGC hnenah kan thuchah chu, kan lawng pahnih in kap a nih chuan, keini chuan in lawng pathum kan tichhia ang a, sum leh pai lamah hremna na zawk kan pe ang che u," tiin a vau zui bawk.

Iran media-te chuan Persian Gulf-a Kharg Island bulah US-in Iran oil tanker-te an beih thu leh, inbeihnaahhliamtuar an awm loh thu a tarlang. Lawnga hnathawkte pawh lak chhuah an ni tawh tih a sawi a ni.

August 31 khan US president Donald Trump chuan social media-ahKharg Island chu tihchhiat vek a nih tur thu a lo sawi tawh a ni. Iran hian oil a thar chhuahna kawngah Kharg Island hi a rinchhan pawimawh tak pakhat a ni. West Asia buaina a thlen hma khan, Iran-in crude oil a thawn chhuah zinga 90% chu he hmun aṭanga thawn chhuah a ni.