Israel-in Lebanon chhim lamah beihpui a thlak

Lebanon state news agency chuan nimin zing khan Israel-in an ram chhim lama khua, Kfar Rumman ah beihpui an thlak a, mi 11 an thi niin a tarlang. Thi zingah hian naupang pahnih leh medical mi leh sa pahnih an tel tih a sawi bawk.

Israel hian Lebanon chhim lama Iran thlawp helpawl, Hezbollah hmunhma te a bei thar leh a, Pathiannia beihpui a thlaknaah mi pasarih an thi tih Lebanon lam chuan an tarlang bawka ni. Hetih lai hian Israel sipaite chuan nimin zinga beihpui an thlak hmain, an hmun beih tur chhehvela chengte chu insawn chhuak tura an tih thu an sawi. Kfar Rumman khua an beihnaah hian mihring chenna building an kap fuh tel niin Lebanon lam chuan an tarlang.

June thla khan Israel leh Lebanon chuan US ruahmanna hnuaiah inkahhai puan an lo remti tawh a; mahse, hemi hnuah hian Hezbollah leh Israel sipaite chu an la inbei chhunzawm fo a ni.