Brazil President thlanna neih hun a hnai

Brazil President thar thlanna chu thla thar, October 4 hian neih a ni tawh dawn a, president ni lai leftist Luiz Inacio Lula da Silva leh eptu pawl, right-wing candidate senator Flavio Bolsonaro te chu inbei ber tur an ni. Flavio Bolsonaro hi president hlui, house arrest-a hren mek Jair Bolsonaro-a fapa a ni.

Candidate pahnihte hi an inbei tawk hle a, mipui ngaihdan laknaah an inthlau lo hle. Quaest in mipui ngaihdan a lakna hnuhnung berah Lula duhtu hi 42% niin, Bolsonaro duhtu 41% an ni ve bawk. Candidate dang, Goiás governor hlui Ronaldo Caiado leh Missão party president Renan Santos-te erawhin poll tam berah single digit chauh an hmu pha.

October 4 hian president bakah vice prudent, governor,Senate member ṭhenkhat,chamber of deputies leh state assembly seat 1000 chuangah inthlan hi neih ni dawn a ni. President thlannaah hian candidate zingah vote tla aṭanga 50% hmu pha an awm loh chuan, October 25-ah inthlan thawh hnihna neih a ni ang.