Iran bungraw phur lawng kap fuh

Strait of Hormuz huam chhunga Qeshm Island-ah nimin zing khan Iran bungraw phur lawng chu kah fuh a ni. Iran state media chuan lawnga thawktu pakhat a thi a, mi dang paliin hliam an tuar niin a tarlang.

Iran thuneitute chuan lawngah hian thawktu mi 10 an chuang tih an sawi a, eng hmanga kah fuh nge tih leh, tu kah nge tih erawh an sawi lang lo. Qeshm governor chuan an hmelmate thiltih tih chauh a sawi lang.

Unitd Kingdom Maritime Trade Opertions pawhin Strait of Hormuz-ah lawn lian pakhat kah fuh a nih tih a nemnghet ve bawk. Hetih lai hain US lam chuan lawng kah a nih chungchangah hian sawi engmah an la nei lo. US sipaite hian tun hnaiah Iran-in ballistic missile hmanga an indolawng an beih vangin, Iran flag inzarna lawng a lo kap tawh a ni.

Qeshm Island hi lawng chawlhna khawpui,Bandar Abbas aṭanga km 22 chauha hla a awm a ni. Iran hian West Asia buaina a thlen hnua Strait of Hormuz a khar leh, he tuikawnga lawng che vel a thununna atan he thliarkar hi a hmunpui atana a hman ber a ni.