Kim-a'n Russia nena thawh dunna huang zauh tiam

North Korea hotu, Kim Jong-un chuan Russia nena inlaichinna thuk zawk siam a, an thawh dunna huang pawh zauh a tiam.

Russia president Vladimir Putin-a'n North Korea kum 78 tlin lawman puala lawmpuina a thawn a chhannaah, Kim chuan Nkorea sorkar chuan Russia nena thawh dunna zau zawk siam ngei tum tih sawi. Ram pahnihte chu inṭhianṭha leh inring tawn tak an ni tiin, an inlaichinna chungchang chu a sawi. Russia-in a ram himna tura a hma lak meknaah pawh hnehna a chang ngei dawn tiin, Ukraine nena an indo mek chungchang pawh a sawilang. Kim chuan Putin leh Russia mipuite chu a thlawp tlat tih a sawi a ni.

Kim hian a hmain China president Xi Jinping pawh lehkha a lo thawn tawbawk a, China nena an inṭhianṭhatna chu vawn nun zel a, thawh dunna thuk zawk siam turin an beih tur thu a sawi.

North Korea hian September 9 khan an ram din champha vawi 78-na an thleng a, hemi pual hian Russia leh China ram hruaitute hian lawmpuina lehkha an thawn ve ve a ni.