Pakistan-ah ni 100 chuang internet titawp tawh

Pakistan-administer Kashmir-ah kuin June thla tir lama electoral reform phuta mipuite nawrh an huaihawt hnuah internet tihtawp a la ni chhunzawm zel. Ni 100 chuang chu mobile data leh broadband service hman theih lohin a awm tawh a ni.

Kashmir bial pum hi India leh Pakistan chuan a ram chin niin an chhal ve ve a ni. Pakistan rorelna lam chinah hian semi-autonomous system hman ni , prime minister leh legislative assembly pawh a nei hrang a ni. Seat 45 awmna assembly-ah hian Indian-administerd Kashmir aṭanga lut, Pakistan ram chhung hmun danga chengte tan seat 12 dahsak an ni bawk. Tualchhung pawl hrang hrangte chuan seat dahsak hi duh loin, titawp turin an phut.

June 5 khan electoral reform phuta nawrh huaihawtnaa a bultumtu ber, Jammu Kashmir Joint Awami Action Commitee (JKJAAC) chu dan pawnah hnawl a ni. Nawrh huaihawttuten tharum thawhna an thlen avangin internet pawh tihtawp zui a ni bawk. Nawrh huaihawtnnaa buaina chhuak vang hian mi 50 an thi tawh a, an zingah hian law enforcement lam mi leh sa eng emaw zat an tel.