Hong Kong nawrh huaihawtnaah zirlai thi

Hong Kong zirlai, sorkar laka lungawi lohna lantir ṭuma chesual, Alex Chow chu nimin zing khan a thi. Alex Chow hi Thawhṭan­nia police-ten nawrh huai­hawtte hnawrhdarh an tum lai khan car chung aṭangin a tla a ni. A tlak chhan tak hi sawichian ni lo mah se, tear gas lak aṭanga tlanchhiat a tum laia tla nia sawi a ni. 

Kum 22 mi, University of Science and Technology zirlai Chow hi car aṭanga a tlak hnu hian nikhaw hre loin a awm zui a, nimin zing kha a thi a ni. Zirlaite chuan Chow thih dan hi chhui chian an phut thu an sawi a, a chetsual 

aṭanga minute 20 hnuah chauh damdawi lam thiamte an thlen chhante sawifiah turin sorkar an phut. Amnesty International pawhin zirlaite thil phut hi a thlawp thu a sawi nghal bawk. Police-te chuan nawrh huaihawta pungkhawmte hnawhdarh nan tear gas an hmang a, thil dik lo tih an nei lo tih an sawi thung. 

Chow thihna hian boruak a tihchhiat zual ngei rin a ni a, nawrh huaihawtte hian kawngpui te dangin, Chow sunna hun hman nghal an tum bawk.