Baghdad leh Basra-a nawrh huaihawtah mi 11 kaphlum

Iraq sipaite chuan an ram khawpui Baghdad-a sorkar laka lungawi lohna lantira nawrh huaihawt zinga mi paruk chu Ningani khan an kaphlum. Hemi ni vek hian chhim lama Basra khawpuia nawrh huaihawt mi panga kahhlum an ni bawk. 

Baghdad-a Suhada Bri­dge-ah hian ni 13 chhung nawrh huaihawt a ni tawh. Ningani khan nawrh huai­hawtte leh sipaite chu innawrin, sipaite hian mi paruk an kahhlum bakah midang 35 in hliam an tuar bawk. Nawrh huaihawtte hian Tigris lui kama daidanna siam chu tihchhiat a, sorkar office pawimawh leh foreign embassy-te awmna, Green Zone-ah luh an tum a. Hei hi sipaite hian lo dangin an innawr buai a ni. Sipaite hian Green Zone pawhtu leite chu an dang vek a, security official chuan Green Zone pawhtu kawngahte hian sipai dah belh an nih thu a sawi. 

Basra khawpuia nawrh huaihawtte hnawhdarh nan silai hmehpuah a ni bawk. October 1 aṭanga sorkar laka lungawi lohna lantir a nih aṭang khan buaina chhuakah mi 260 chuang an thi tawh. Nawrh huaihawttu tam zawk hi ṭhalai hna nei lo an ni.