China-in Laos-ah air force support training centre din

China chuan Laos ramah air force support leh training centre a din a, ram pawn lama military outpost a din pathumna a ni.

China Defence Ministry chuan Vientiane province, Laos-a Ban Keun Airport-a China-Laos Joint Support and Training Centre leh China-Laos Friendship Aviation Academy te chu Nilaini aṭang khan official-a hawn ṭan an ni tih a tarlang.

CSIS China Power Project deputy director Brian Hart-a chuan Ban Keun centre hi ram pawn lama China sipai hmun zinga air power tana an pawm hmasa ber a nih thu a sawi a, Djibouti leh Cambodia-a naval fcility an lo nei tawh bawk.

Defence Ministry chuan he facility sak leh enkawlna hi ram pahnihte inrin tawnna leh inrawn tlan thlapa kalpui a nih thu a sawi.

Laos leh China-te hian kum rei tak aṭangin inlaichinna hnai tak an lo nei tawh a, tun kum hnaiha an inkar boruak pawh a ṭha chho zual hle. China-Laos Railway, Belt and Road Initiative hnuaia project pawimawh chu kum 2021 khan hawn a ni a, hei hian ram pahnih inkar inbiak pawhna leh inzawmna nasa takin a tiṭha a, an insumdawn tawnna lamah pawh a pui hle.