Afghanistan-ah Taliban-in police pakua an that

Afghanistan hmar lama Baghlan province-ah Taliban firfiak-te'n police pakhua an thah bakah midang pathum chu chin hriat lohin an awm tih nimin khan tualchhung official-te chuan an sawi.

Taliban-te hian Thawhṭanni zanah khan Baghlan province-a Khawja Alwan security checkpoint-a police-te chu an bei thut a ni. Khawja Alwan hi provincial capital Pul-e-Khumri bul, Baghlan-Samangan highway-a awm a ni. 

Provincial police thupuangtu pawhin inbeihna hi a thleng ngei tih a sawi chiang tawh a, thizat erawh a sawi lang duh lo thung a, mahse Xinhua official-te chuan thi zat hi pakua nia thu an dawn thu an tarlang. Police thupuangtu erawh chuan an la chhui chian mek thu a sawi thung.