Brazil tuilianah mi 58 an thi tawh

Brazil chhimchhak lama tuilian vangin mi 58 an thi tawh a, mi singli vel chu hmun him lamah sawn an ni tawh bawk.

Rio de Janeiro, Minas Gerais leh Espirito Santo-te chu tuilian tuar nasa zual an ni a, kar liam ta aṭang khan heng khawpuite hian ruahsur nasat avangin harsatna an tawk nasa hle. Minas Gerais bikah hian Zirtawpni aṭanga ruahsur nasat avang khan Thawhṭanni thleng khan mi 47 an thi tawh a, mi pali dang chu chin hriat loha an bo bakah mi 65 an hliam tih  regional civil defense agency chuan an sawi. Minas Gerais huam chhunga khaw 101-ah chuan emergency puan ni tawhin mi 14,609 chu hmun him lamah sawnchhuah an ni tawh a, mi 3,386 chenna in chu tuiin a tichhe tawh bawk. Espirito Santo-ah chuan mi pakua an thi tawh a, Rio de Janeiro-ah mi pahnih an thi tawh bawk a ni. Brazil sorkar chuan  Espirito Santo chhim lama khaw pali chu state of calamity-ah a puang a ni.