Sri Lanka presi-dent-in tualthattu a ngaidam

Sri Lanka president Maithripala Sirisena chuan thi tura a chungthu relsak tawh, Swedish tleirawl thattu Jude Jayamaha a ngaidam a, hei hian sawizui a hlawhin mipui an lungawi lo hle.  

President Sirisena hian a term hman zawhna turin kar khat chiah hun a nei tawh tihah tualthattu hi a ngaihdam a ni. Jayamaha hi chhungkaw hausa leh dinhmun sang taka mi niin, President-in a ngaihdam tak avangin kar kal ta Inrinni khan a tanna, Welikada tanin aṭangin a chhuak a ni. 

Kum 2005 khan Colombo-a chawlh hmanga kal, Swedish tleirawl Yvone Jonsson chu Jayamaha nena an inhauh buai hnuah Jayamaha hian a that a, a luruh chu hmun 64 zetah a khi nia sawi a ni. Jayamaha hi kum 12 tang tura hremna pek nghal a ni a, court sang zawkah appeal mah se a ngenna hi hnawlsak niin thi tura a chungthu relsak a ni ta zawk a, hei hi kum 2014 khan Supreme Court pawhin a lo pawmpui tawh bawk. 

Jonssib-i laizawnnu, Caroline chuan Jayamaha ngaihdam a ni chu a dem thu sawiin, a thiltih avang inchhir leh pawiti hmel a nei lo a ni, a ti. Sri Lanka mipui tam takin President thutlukna an dem thu hi social media lamah pawh an sawi nasa hle.