Jail aṭangin Brazil President hlui chhuah

Brazil President hlui Luiz Inacio Lula da Silva chu Zirtawpni khan, Brazil chhim lama a tanna, Curitiba jail aṭangin chhuah zalen a ni a, a party Workers Party (PT) pawhin an lo hmuak bawk.

Kumin kum laihawla chhuah zalen a dilna court-in a hnawl sak hnuah, Brazil Supreme Federal Court (STF) chuan Lula chhuah zalenna tur thu hi kar kal ta Zirtawpni tlai khan a tichhuak a ni. STF chuan Lula thubuai chungchang hi ngaihtuahin, a thil tihsuala an puhnaah hian finfiahna ṭha tawk an hmuh loh avanga chhuah a nih thu an tarlang.

Kum 2003-2011 chhunga Brazil president dinhmun lo chelh tawhtu, Lula hi 2017 July thla khan eiruk thubuaiah thiam loh chantir a ni a, kum riat leh thla 10 tang tura tih a nih hnuah, nikum April 7 khan tan inah dah a ni. Kum 74 Lula hian an puhnate hi thu dik lo niin a sawi a, an puhna chungchanga a thubuai ah hian politics a inrawlh hle a ni a ti bawk. A party Workers Party (PT) pawhin nikum khan president thlanna neih tura an party candidate turin a puang tawh bawk.