Israel-in Indian captain Machchhar hnenah huaisen chawimawina hlan dawn

Israel president Isaac Herzog chuan Dubai-Tel Aviv pan, Flydubai thlawhtheihna pilot, cockpit chhunga co-pilot in a beihna theihtawpa bei lettu India captain Smit Machchhar chu Israel-in civil mi hnena huaisena chawimawina a hlan ṭhin, Presidential Award for Civilian Heroism a hlan dawn.

Ningania Jerusalem-a President's Residence-a hun hmanah, thlawhtheihna chhanhim a nih kawnga huaisen taka che chhuak mi parukte hnenah chawimawina hi a hlan a, India captain Machchhar pawh hlan a ni dawn tih a sawi. Captain Machchhar hi damdawi-inah enkawl mek a la ni. Mi parukte hian thlawhtheihna hijack tumtu, co-pilot bei letin chetsualna rapthlak tak thleng thei tur lakah an hum a ni.

President Herzog chuan flight 1073 chhanhimna kawnga huaisen taka chete chu fakin, chawimawina dawn chu an phu takzet tih a sawi. He thil thlengah hian zir tur tam tak a awm a ni tiin, ram hrang hrang mite chu thlawhtheihna chhanhim a, a chuangte himna turin lungrual takin an che chhuak a, hetiang bawk hian khawvel pum pawh firfiakte do tura lungrual taka an thawh ho a ngai tih a sawi.