Pope Leo a chuapa bawk awm zai dawn

Roman Catholic kohhran hotu, Pope Leo chu tun hnaia a hriselna dinhmun endiknaah, a chuapah bawk hmuh a ni a, tunkar hian zai a ni dawn.

Kum 71 mi, Pope Leo hian Pathiannia St. Peter's Square-a ṭawngṭaina hun a hmanah a dinhmun hi a sawi a, mahse bawk awm chu a lian lo a, an hmuh chhuah hma avangin a ṭhang zel tur pawh thunun a ni tih a sawi. Doctor-ten zai ṭhaa an hriat avangin, an thurawn angin bawk awm hi an paih dawn tih a sawi.

Leo hi kum 2025 May thla khan Pope atan thlan a ni a, a hmain a hriselna lama insawiselna a nei hran lo a, infiamna lam a ngainain amah pawh a harhvang ṭha hle. Vatican press office chuan Pope hi zai a nih hnuah, kar khat chhung inenkawl zui a ngai dawn niin a sawi. Ruahmanna awmsaah chuan Pope hian November 6-17 chhungin ram pathum - Uruguay, Argentina leh Peru te tlawh a tum a ni.