Bank of America USD tld 1.2 chawi turin hrem

US Treasury Department chuan US-a bank lian ber dawttu, Bank of America chu sum hman dik loh venna, anti-money laundering leh sanction law a bawhchhiat avangin USD tld 1.21 chawi turin a ti.

US Treasury secretary Scott Bessent chuan hetiang bank lianin dan an zawm loh chuan a nghawng chu anmahni chauh ni lo, US financial system pumin an tuar thei a, dinhmun hlauhawm takah an dah thei a ni, a ti. Hremna pek hian eng anga financial institution lian pawh ni mah se, dan chunga leng an awm lo tih chiang takin a tilang tih a sawi bawk.

Treasury Department-in a tarlan danin, Financial Crimes Enforcement Network (FinCEN) chuan bank-in ram ralmuanan leh himna atana thil hlauhawm tak - China money laundering network leh an ram chhim thlang lam ramria sum hman dan dik lo tak awmte a chinfel theih loh leh report loh avangin sum hi a chawitir a ni, a ti. Bank kaltlanga tld 5 chuang chetvel dan rinhlelhawm tak Bank of America hian a hun taka FinCEN hnenah a report lo niin a tarlang.