Pope Leo hlawhtling taka zai a ni

Roman Catholic kohhran hruaitu, Pope Leo XIV chuan chuap cancer chi khat a vei tih hriat chhuah a nih hnuah, a chuapa bawk awm chu Thawhlehni khan hlawhtling taka zai a ni. Minute 90 chhung vel zai a ni a, amah pawh a dinhmun a ṭha nia sawi a ni.

Vatican chuan Pope hi a chuap ding lam hnuai lamah bawk awmin, hei hi cancer chi khat 'lung adenocarcinoma' a nih thu a tarlang. Mahse, bawk awm chu ṭha taka paih a nih thu leh, Pope pawh a harh ṭhat thu sawiin, damdawi-inah kar khat chhung chu a la awm tur thu a sawi a ni. Inzai dawn vang hian October 20 thlenga Pope programme neih chu ṭhulh a lo ni tawh bawk.

Pope hi Rome-a Agostino Gemelli Polyclinic Hospital-ah zai a ni a, doctor-te chuan a bawk paihna atan hian video-assisted surgical technique an hmang a ni. Surgical team hi professor Stefano Margaritora in a ho a,bawk an paih hi enfiah leh niin, test result hriat hma chuan chemotherapy emaw, therapy dang emaw pawh pek a ni rih lo ang.