Canada military base-a kangmei chhuakah mi eng emaw zat thi

Canada rama Alberta khuaa military base-ah Inrinni tlai khan kangmei nasa tak a chhuak a, mi eng emaw zat an thi tih defence minister David McGuinty chuan a sawi. Mitthi leh hliam zat tak hi a tarlang lo. Media lam chuan mi pasarih an thi niin an sawi.

Kangmei chhuahna hmun hi Canadian Forces Base Waingwright a ni a, an rama military training base lun ber zinga mi a ni. A hmunah hian nitin thawktu hi sipai lam mi 690 leh civilian 300 vel an awm ṭhin. Live-fire training exercise neih laiin gas line chu kah fuh palh a ni a, hei vang hian kangmei hi a chhuak ta nia sawi a ni.

Prime minister Mark Carney chuan chhiatna thleng chu pawi a tih thu sawiin, thi chhungte leh hliam tuarte a tawrhpui thu a sawi. Hliam tuarte hi Edmonton-a Royal Alexandra Hospital-ah hruai an ni a, rang taka enkawl an nih theihna turin hospital-ah hian disaster response protocol, code orange puan nghal a ni bawk.