Alibaba Singles' Day Sale Darkar khat chhungin USD tld 12 man hralh
China e-commerce lian, Alibaba Group Holding Inc chuan kum tina shopping fest an siam ṭhin, Singles' Day Sale chu nimin khan an nei leh a, an hralhchhuah ṭan aṭanga darkar khat chhung lekin bungrua US dollar tluklehdingawn 12 man an hralh hman.
United States-a Black Friday leh Cyber Monday an buatsaih ṭhin zulzuiin, Alibaba Chairman leh Chief Executive Daniel Zhang chuan kum 2009 aṭang khan Singles' Day Sale hi a buatsaih ve a, khawvela online sales event lian ber a ni chho thuai a ni. He sale hi November 11-a buatsaih ṭhin anih avangin 'Double Eleven' tia sawi ṭhin a ni bawk.
Nikum khan Alibaba hian Singles' Day Sale-ah bungrua USD tld 30 man a hralhchhuak. US-a Cyber Monday-ah USD tld 7.9 man hralhchhuah chu a khum hneh hle.