Iran-ah oil field thar hmuchhuak
Iran president Hassan Rouhani chuan an ramah oil field thar an hmuhchhuah thu a sawi. Oil lakchhuahna tur hmun an hmuchhuah thar hi Khuzestan south-western province-ah a ni a, sq. km. 2,400 vela zau niin, crude oil barrel tluklehdingawn 53 vel zet chu a awm rin a ni.
US-in a hrek avanga oil zawrhna kawnga harsatna tawk mek Iran hian hemi chungchang hi Pathianni khan an tarlang. "Oil barrel tlukledingawn 53 vel awmna oil field kan hmuchhuak a ni. Bostan leh Omidiyeh inkar, sq.km. 2,400 vela zau niin, lei hnuai ft 262 velah a awm a ni," tiin Yazd central city-a thu a sawinaah a sawichhuak. Oil field aṭanga kan oil lakchhuah hi 1% chauh pawhin pung se oil aṭanga kan chhiah lakluh chu $tld 32-in a pung dawn a ni, a ti.
Oil field an hmuhchhuah thar hi Iran-a oil field lian ber dawttu tur a ni thei dawn a, a lian ber chu Ahvaz-ah niin barrel tld. 65 zet a awm a ni. Iran hi khawvela oil reserve lian palina a ni a, gas reserve lian ber dawttu a ni bawk.