Columbia-a rangkachak khur chimah mi 14 an thi

Colombia chhim thlang lam, Ecuador ramri bula dan loa rangkachak khur siam chu Thawhṭanni khan a chim a, mi 14 an thih bakah mi dang pasarih an hliam.

Chhiatna thlenna hmun hi Narino province-a Santa Barbara de Iscuande municpality huam chhung, Chambero sector-ah a ni. Narino governor Luis Alfonso Escobar chuan chhan chhuah hna thawh nghal a nih thu a sawi. Sorkar laipui, National Mining Agency leh Ministry of Mines and Energy te chu phalna nei loa khur siamtute zawn chhuah na chak zawka kalpui tur leh, hnathawkte himna tur dan ṭha zawk siam turin a phut nghal bawk.

Kumin August 13 khan Narino province huam chhunga Policarpa khuaah khur chim vangin mi 13 an lo thi tawh bawk a ni.