Pakistan sipai hotuin Iran a tlawh

Pakistan sipai hotu, Chief of Defence Forces Filed Marshal Asim Munir chu Thawhlehni khan Iran-ah a zin. Interior minister Mohsin Naqvi leh official eng emaw zatin an ṭawiawm.

Munir hian kumina US-Iran indona thlen hnuah Iran hi a tlawh fo tawh a, a tlawh hnuhnun ber chu September thla kha niin Iran president Masoud Pezeshkian, Supreme National Security Council secretary Mohsen Rezaei, Parliament speaker Mohammad Baqer Ghalibaf, foreign minister Abbas Araghchi leh interior minister Easkander Momeni te meeting a neihpui a ni.

Iran leh US inbeihna tihtawp a nih a, an inkara inremna a awm theihna turin Pakistan hian palai hna a thawh a, hemi kawngah hian prime minister Shehbaz Sharif, deputy prime minister Ishaq Dar leh Munir-te hian tha an thawh nasa hle. Munir hian a cham chhungin Iran hruaitu hrang hrangte a kawm leh dawn a, ram pahnihte inlaichinna bakah, Middle East boruak ṭha a awm theihna tura hmalak dan turte a sawipui ang.