Saudia-in Houthi helpawl USD tld 1 in inremna siampui tum

Saudi Arabia chuan Iran hmalakna kaltlangin, Yemen-a Iran thlawp helpawl Houthi chu an ram an beihna titawp a, inkahhai puang turin USD tld 1 in inremna siampui a tum tih Israel media-te chuan an tarlang.

Saudi defence minister Prince Khalid bin Salman chu Iran-ah Houthi nena inkahhai puan dan a nih theihna tura inbiakna nei turin a kal a ni. Iran ruahmanna anga siamah, inkahhai puan a nih theihna atan Saudi hian Iran kaltlangin Houth hi USD tld 1 pe tura tih a ni. Saudi minister hian pawisa pek tur pawh a keng nghal nia sawi a nia , mahse official lam chuan pawisa hi thawn a nih leh nih loh an la sawichiang lo. Hemi rual hian Houthi hnena sum pek tur hi kum thum liam taa inremna an lo siam tawh a taka kalpuina tur zinga mi a ni tel tih a sawi.

Kum thum liam taa Saudi leh Houthi ten inremna an lo siamah, Saujdai aRabiha hian Houthi member-te inbenbelna turah sum hmanga puihna a pe ang tih a ni. Houthi hian Sajudia Arabia ram an beihan an titawp tur a ni, tih a ni bawk. Hun eng emaw chen hnuah inbeihna pawh tihtawp a lo ni tawh a, tun hnaia Houthi ten an beih thar lehna chhan chu Saudi lam hian an thutiam an vawn loh vang niin an puh.

Iran khawpui, Tehran-a inbiakna neihah hian Turkey intelligence chief Ibrahim Kalin leh Pakistan sipai hotu Asim Munir bakah, Izran president Masoud Pezeshkian, Supreme National Security Council secretary general Mohsen Rezaei leh Islamic Revolutionary Guard Corps (IRGC) senior official-te an tel.

Iran hian Saudi Arabia leh Houthi inkara palai hna thawh a inhuam thu hi a lo sawi tawh a ni. Houthi helte hian tun hnaiah Saudi Arabia an bei ngun hle a, airport leh oil facility-te chu drone leh missile hmangin an kap fo a, Saudi ram economy thlengin a nghawng a ni.