US-in Iran dona atan USD tld 47 seng tling tawh

Pentagon chuan Iran war atana US-in sum a sen chu USD tld 47 a chuang tawh niin a chhut a, hei hi July thlaa Defence Deparmtent-in sum sen zat a tarlan aiin 25% in a tam zawk.

Indonaa avanga an sipai hmanrua leh ralthuam hlohte siam thar lehna atan USD tld 6 chuang mamawh a ni dawn nia sawi a ni bawk. Kumin February thla tawp lam aṭanga Iran donaah hian aircraft bakah drone pawh tam tham tak a hloh tawh a ni.

US-in indona atana sum a sen zawng zawng aṭanga 60% chuang, USD tld 29 hi missile, bomb leh interceptor atana a sen a ni. Sum sen zat an chhutah hian Middle East-ah Iran drone leh missile-in a tihchhiat US military base-te chhut tel lo bawk.

Kumin July thla khan defence secretary Pete Hegseth chuan US base tihchhiatte chhut tel loin, Iran dona atana US-in sum a sen chu USD tld 37.5 vel a nih thu a sawi. September thla kha Congressional Budget Office chuan indona hi a chhunzawm zel a nih chuan thla tin USD tld 2 - 3 an sen belh zel dawn niin a lo sawi tawh bawm a ni.

Iran war hi tun karah a thla kuana a tling dawn a, US leh Iran inkar boruak hi a la ṭha lo hle. US president Donald Trump chuan November htl atira midterm election an neih zawnah, Iran-in inremna siam a la duh lo zel a nih chuan nasa zawka beihpui thlak leh a nih tur thu a sawi.