US-ah G20 Foreign Ministers Meeting nei

G20 Foreign Ministers Meeting chu nimin khan Atlanta, Georgia, US-ah ṭan a ni a, vawiinah chhunzawm a ni ang. Meeting-ah hian khawvel economy, supply chain, chaw lam chi leh energy man sang zel chungchang bakah, Ukraine leh Middle East buaina thleng mekte sawi ho a ni ang.

US secretary of state Marco Rubio chua meeting hi a kaihruai dawn a, he hun hi December thlaa US president Donald Trump-a'n a Miami golf club-a a G20 hruaitu summit a thlen tur lo inbuatsaihna kawng pakhat atan hman a ni ang. US official-te chuan inbiaknaah hian tuifinriat pawimawh - Strait of Hormuz, Red Sea, Black Sea leh South China Sea vela innekna leh inthunun tumna awmtein tihziaawm a, tuipuia veivakte zalen tak an kal theihna tur chu an ngaih pawimawh a nih tur thu an sawi.

Meeting-a tel tur hia Russia chuan foreign minister Sergei Lavrov a tir. Hetih lai hian member ramte chuan kum 2022-a Russia-in Ukraine a run hnuah khawthlang ramte chuan Russia hi an hrek hlawm avangin Russia sawm ve a nih chungchangah US an sawisel a ni. Russia-Ukraine war chungchanga thutlukna lai tak pawh siam a harsah phah thei dawn a ni, an ti. Ukraine chu G20 member ni ve lo mah se meeting hmasaahte sawm a lo ni ve tawh ṭhin a, mahse tun ṭumah erawh sawm a ni lo thung.