Rel chetsualna ṭum hnih thleng vangin Spain Transport Minister bang

Spain transport minister Oscar Puente chu kuminah an ramah high-speed train chetsualna ṭum hnih a thlen tawh avangin mawhphurhna lain minister a nihna aṭangin a bang.

October 28-a Toledo province-a Urda hmuna rel chetsualnaa mi 69 thihna thleng chungchangah zawhna hrang hrangte a chhan hnuah, Puente hian Thawhlehni khan a ban thu hi a puang a ni. Kum khat chhung chetsualna rapthlak tak vawi hnih a thlenhnuah, minister chu a office luah zui zel tur a ni lo tiin, heng chetsualna thlen dan hi in ang lo mah se mawhphurhna a lak thu a sawi.

Kumin January thla khan Spain chhim lam, Adamuz-ah rel chak chi hi a lo chesual tawh bawk a, mi 46 an thi a ni. Thla kaw hnuah Urda-ah chetsualna hi a thleng leh a, Puente chuan chetsualna a thlen tirh khan ban a tum nghal thu a sawi a, mah se rel himna tur chungchangah tihtur hmanhmawhthlak a awm avangin a ban hun pawh hi a titlai ta deuh niin a tarlang.