Malaysia PM hlui house arrest-in hreng chhunzawm dawn

Malaysia prime minister hlui, Najib Razak chu state investment fund, 1Malaysia Develpoment Berhad sum tam tham tak tichingpena puhna thubuaia thiam loh chantir a, kum 2022 August aṭanga jail-a a tan hnuah, jail aṭangin a inah sawnin, house arrest-a hren a ni dawn.

Kum 73 mi, Najib hi September thla khan an ram lal, King .. chuan hremna a tawh mekah ngaihnathiamna pein, a sum chawi tur a pek tlak theih chuan a tan hun chhung la awm chu a inah a hman chhunzawm a lo phalsak tawh a ni. Hemi hnu hian a party chuan Najib tan hian pawisa khawn khawmin, nimin kha High Court hnenah a sum chawi tur,ringgit mtd 50 (USD mtd 12.3) chu an pe tla thei ta a ni.

Sum pek fel a nih tak avangin Najib a inah hren chhunzawm a ni dawn a, nimin khan Kuala Lumpur-a a inah police-te pawh dah nghal an ni a, a in panna kawng pawh khar a ni bawk.