Evo Morales-a'n Mexico a pan

Bolivia president aṭanga bang, Evo Mo­rales chuan banna a thehluh hnuah Thawhṭanni zan khan Mexico a pan  nghal tih a sawi.

October thlaa Bolovia ram president thlanna neihah Morales hi thlan nawn leh a ni. Mahse eptu lam chuan he inthlan hi a felfai tawk lo tih sawiin lungawi lohna an lantir chhunzawm a ni. Nawrh huaihawtten tharum thawhnate thlen a, hun eng emaw chen tualchhung buaina an tawh hnuah, sipaiten bang tura an ngen hnuah Pathianni khan Morales hian President a nihna aṭanga a ban thu a puang ta a ni. 

Morales a ban hnuah amah thlawptute leh eptute inkarah buaina nasa tak a chhuak zui bawk. Mexico sorkar chuan Morales hi hum­himna an pe thei tih a sawi a, hemi hnu Thawhṭanni zan khan Morales hian Mexico lam hi a pan ta nghal a ni. 

Politics thil avanga an ram chhuahsan a ngai chuan a rilru a ti na hle tih Morales chuan a sawi a, hemi rual hian an ramah hian a la kir leh ngei tur thu a sawi  nghal bawk.