G7 Minister-ten Paris-ah meeting nei

G7 group foreign minister-te chuan nimin khan ni hnih awh tur meeting chu France khawpui, Paris-ah an ṭan. Meeting-ah hian Russia-Ukraine indona thleng mek leh, Iran indona tihtawp a nih theih dan turte an ngaihtuah ang.

Britain, Canada, France, Germany, Italy, Japan leh US minister-te hian March thla khan hemi chungchang bawkah meeting an lo nei tawh bawk. Mahse hemi ṭum hian US secretary of state Marco Rubo chu ni khat chauh a tel a, tun ṭumah hian ni hnihah hian a tel ve ve tawh dawn thung.

G7 ministerial meeting hi France-in G7 a kaihhruai mekna hnuaiah meeting neih hnuhnun tur zinzgah a tel a, nakkumah chuan US-in G7 president hna hi a chelh ve leh tawh dawn a ni. Nimin khan inhmuhkhawmna an neih kar lakah France Finance Ministry chuan nikuma Russia-in a beihna avanga Ukraine-a nuclear reactor vengtu dome chhia thawm ṭhahna tur sum tuakin donor conference a buatsaih ve bawk. He dome siamṭhatna atan hian euro mtd 500 vel a ngai dawn a, sum mamawh zingah a zahve chauh hi hmuh a la ni tih ministry chuan a sawi.

Paris-a meeting neih a nih laiin vawiin leh naktuk hian US kaihhruainain Abu Dhabi-ah Russia leh Ukraine aiawhte chuan indona tihtawp dan tur ngaihtuahin inbiakna nei dawn bawk a ni.