Paraguay police-ten President hlui in an dap

Paraguay police-te chuan an ram president aṭanga paihthlak, Ueno Bank buaina nena inkaihhnawihna neia puh, Santiaga Pena chenan in leh a office an dap. Sena hi President aṭanga a ban hnuah, bank buaina kal zelah thubuai pahnih siamsak a ni.

Digital lender, Ueno Bank-ah hian a tlakchhiat hmain sorkar leh a kaihhnawih aṭangin sum tam tak dah a ni. He bank enkawltu group-ah hian Sena hi shareholder a nih ṭhin avangin, a thuneihna dik lo taka hmanga sorkar sumte bank-ah hian dahtira puh a ni. Kum 2024 khan Ueno bank aṭang hian loan vawi hnih a la bawk. A loan lakna chhana a hman, Asuncion khaw pawna a mansion pawh chhui tel a ni bawk.

Sena loan lakna document-ah thla tina a rulhna tur chu USD 38,000 tih a ni a, hei hi thla khata president hlawh a lak aia a let ruka tam a ni.