DR Congo-ah Ebola hri vanga thi 5,000 chuang tawh

Democratic Republic of Congo (DRC) ramah Ebola hri kai hmuh chhuah chu mi 11,000 an tling tawh a, hri kai zinga 5,387 in an thihpui tawh tih National Institute of Public Health chuan a tarlang. Hri kai zinga 2,9990 chu enkawl dam an ni tawh bawk.

Kumi May thla laihawl khan DRC-a Ebola hri a len thu hi puan a ni a, hei hi Ebola hri a len ṭum 7-na a ni. Kumina DRC-a Ebola leng hi bundibugyo strain a ni a, hemi bik atan hian vaccine leh a enkawlna damdawi pawm a la awm lo. Hri hi DRC-a province 26 zingga pariatah a darh tawh a ni. Vaccine leh a enkawlna tur damdawi mumal tak a awm loh vang te, hri kai hmuh chhuah har an nih vang te, health service a chak tawk loh vangtein hri darh zel tur venna kawngah pawh harsatna a awm a ni.

World Health Organisation chuan thla liam ta khan Zaire strain atana vaccine hman chu bundibugyo strain atan a ṭha ve dawn em tih mihringah enchhin a ni dawn tih a sawi.