Venezuela leh Brazil-in inzawmna siamṭhat leh tum

Venezuela interim president Delcy Rodriguez leh Brazil president atana thlan nawn thar, Luiz Inacio Lula da Sivla te chu Antalya, Turkey-a 31st United Nations Climate Change Conference neih karlakah inhmuin, ram pahnihte inzawmna lo neih tawhte siam ṭhat leh an duh thu an sawi.

Kumin January thlaa Venezuela interim president atan Rodriguez lak luh a nih hnuah Brazil president Lula nena hmaichhana inbiakna an neih lehna hmasa ber a ni. Kum 2024-a Venezuela president thlanna neih a ni hnuah, ram pahnihte inkar hi a ṭha lo chho a ni.

Hruaitute pahnihte hian an ram inkar boruak ṭha lo chu siamṭhat a, a hmaa inzawmna an lo neih tawh angte tih thar leh vek an duh thu an sawi. Venezuela oil sector-a Brazil investment tih dan tur pawh sawi dunin, kumin chhung ngeia Brazil minister of mines and energy, Alexandre Silveira-a'n Venezuela a tlawh pawh an remti bawk.