Nepali climber team-in record siam

Nepal climber team chuan kar liam ta Inrinni khan khawvela tlang sang ber dawttu, K2 lawn chhuakin, thlasik laia K2 lawn chhuak hmasa ber an ni. 

K2 hi Pakistan-China border-a awm a ni a, meter 8,000-a sang niin he tlang hi thlasik laiin tumahin an la lawnchhuak ngai lo. Record siamtu, Nepali team-ah hian member 10 an awm a, chungte chu Nirmal Purja, Gelje Sherpa, Mingma David Sherpa, Mingma G, Sona Sherpa, Mingma Tenzi Sherpa, Pem Chhiri Sherpa, Dawa Temba Sherpa, Kili Pemba Sherpa, leh Dawa Tenjing Sherpa-te an ni. Inrinni tlai dar 4.56  khan tlang chhip hi an thleng a ni.