Kim-Trump summit chhun-zawm turin Biden phut

South Korea president Moon Jae-in chuan US President-elect Joe Biden chuan President kalchhuak tur, Donald Trump-a'n North Korea hotu, Kim Jong-un inremna siampui tura hma a lo lak tawhna te chu thuneihna a chan hunah a chhunzawm zel a phut thu a sawi. 

Seoul-a Presidential Blue House-a ramchhung leh foreign journalist-te a kawmnaah, South Korea President chuan US-in Donald Trump hnuaia North Korea nuclear leh missile programme tihtawp a nih theihna tura a hmalak tawhna chu chhunzawm zel a ṭul thu a sawi. US leh NKorea inkarah hian palai hna thawh a hreh loh thu pawh sawiin, nikuma Trump-Kim ten Singapore-a summit an neih hmasak bera inremna an lo siam chu kalpui zel a ngai a ni, a ti. 

Trump leh Kim hian inbiakna an neih hmasa berah hian an inlaichinna siamṭha a, Korean peninsula-a nuclear programme tihtawp vek a nih theihna tura thawhdun an tum thute an sawi a, mahse summit ṭum hnihna an neihah erawh inremna mumal an siam thei lo a, hemi hnua work-level talk an neihte pawh a hlawhtling thei ta rih lo a ni.