Brazil-in naktuk aṭangin Mass Covid-19 vaccination campaign ṭan dawn

Brazil sorkar chuan Pathianni khan thuchhuah siamin January 20, Nilaini aṭang hian mass Covid-19 vaccination campaign an ṭan dawn tih an puang.

Nimin zing aṭang khan Brazil sorkar chuan damdawi sem hna ram pumah a ṭan tawh tih Health Minister Eduardo Pazuello chuan a sawi. Brazil Health Regu­latory Agency-in in­lungrual takin Pathianni khan mass Covid-19 vaccination campaign nei tur hian thutlukna an siam a, CoronaVac vaccine, Chinese laboratory Sinovac siam leh Oxford vaccine,  AstraZeneca-University siamte chu an sem dawn ta a ni.

Vaccine hi Brazilian Air Force-te chuan state tina dahna tur hmun bik an siamah te chuan an sem kual dawn a, CoronaVac hi an sem hmasa dawn a, Sao Paulo-a damdawi lam mithiamte chuan an dawng hmasa dawn. Brazil sorkar hian an ramchhungah hian dose maktaduai 6 an sem dawn a ni. Brazil hian an ramah hian Covid-19 case maktaduai 8.5 chuang an nei tawh a, mi 2,10,000 dawnin thih phah tawhin khawvel ram hrang hrang zinga hriin a nghawng nasat ber pawl an ni.