
Jordan biak-in beitu mi 3 khaihlum turin an chungthu rel
Jordan ram court chuan October thlaa an ram chhim lam, Karak governorate huam chhunga Hammoud khuaa Greek Orthodox biak-in beitu, mi pathumte chu khaihlum turin an chungthu a relsak.
October 23 khan biak-ina mitthi vuina inkhawm an neih laiin mi pathumte hian silaiin inkhawmte chu an pawng kah a, mi pakua an thih bakah mi dang 25 in hliam an tuar a ni. Pawikhawihtute hi an tlanchhe nghal a, mahse, a hnu nithumah police-ten an man a ni. Pahnih chu unau niin, pakhat pawh an chhung hnai a ni bawk.
State Security Court chuan nimin khan mi pathumte chungthu hi ngaihtuahin, firfiaka chetna thlen, ralthuam hman, dan bawhchhia leh firfiak pawl ngaihdan thehdarha puhnaahte thiam loh chantirin, tihhlum turin an chungthu a relsak ta a ni.