Netanyahu-a rawtna siam Eisenkot-a'n a hnawl

Israel caretaker prime minister, Benjamin Netanyahu-a'n eptu pawl hruaitu, Gadi Eisenkot-an national unity sorkar siam a rawtna chu Eisenkot chuan a hnawl a, a rawtna chu inbumna niin a puhsak.

Inthlanpui neih zawh hnuah, November 15 khyan Israel president Isaac Herzog chuan Eisenkot hi sorkar thar siam turin a sawm tawh a, ni 28 hun pek a ni. Ṭangrual sorkar siampui turin party dangte biain hma la mek mah se, engmah tihfel a la awm lo.

Hetih lai hian Netanyahu chuan Israel himna tur chuan Eisenkot nena unity governmetn an a siam ngai a, hei hi an ram himna tur awmchhun a ni, tiin Inrinnia video a tihchhuah a tarlang. Hruaitu pahnihte hian Ningani khan meeting an nei a, an meeting hian national unity government siam a tulzia a tilang zual niin a sawi. Eisonkot nena sorkar an siam dun hmang hian Iran-in an ram dinhmun a tihderthawn leh a vaunate chu an titawp thei dawn a ni tiin, Iran chuan Israel beihna atan nuclear ralthuam pawh hmang an hreh dan lo tih a sawi zui bawk. Hei vang hian sorkar thar siam dan tur chungchangah Eisenkot chu inhmuh puiah a sawm a ni.

Netanyahu rawtna hi Eisenkot chuan inbumna a ni tiin a hnawl nghal a, Netanyahu chuan inthlanah a chak loh tih a hrechiang ta a ni, a ti. Hetianga inbumna hi a lakah chuan a thawk ve dawn lo tiin a sawi zui.