
Portugal-ah in luah man sang duh lohna lantir
Portugal rama khawpui 30 chuangah Inrinni khan an rama in man leh in luah man sang zel duh lohna lantirin mi tam takin kawng an zawh.
In man sang leh a luah man sang duh lohna hi hun eng emaw chen lantir a lo ni tawh a, Lisbon leh Porto khawpuiahte chuan activist ṭhenkhat chu khawpui laili laiah inkulhin nawrh an lo huaihawt tawh a ni. Mahse, riot police-te chuan nawrh huaihawtte hi an hnawtdarh a ni.
Thla hmasa lama an ṭhenawm ram, Spain-a in luah man sang duh lohna lantir ram pum huapa nawrh huaihawt a nih hnuah, Inrinni khan Portugal mipuite chuan lungawi lohna lantirin kawng an zawh a ni. Kum 2015 leh 2025 inkarah, Protugal hi European Union ram zingah in man san chakna ber niin, hemi chhunga in man sanna hi 61% a tling a, Netherlands in dawtin 34% a ni ve bawk. Kumin chhungah bik pawh Portugal-ah hian kum tir lam thla thum chhunga in man sanna hi 20% a tling pha tih sorkar agency, National Statistics Institute chuan a tarlang.