
Bangladesh-ah nawrh huaihawt leh police-te innawr buai
Bangladesh rama thawmhnaw siamna factory-a thawkten hlawh sang zawk phuta nawrh an huaihawt chu an chhunzawm zel. Nimin khan Dhaka hmun ṭhenkhat bakah industry hmunpui, Savar leh Ashulia-ahte nawrh huaihawt leh police-te an innawrbuai.
Police-te chuan pungkhawmte hnawh
darh nan tear gas bakah sound grenade te an hmang. Hetah hian hnathawk nuarte hian Savar-a Dhaka-Aricha highway an dang a, hei vang hian motor tlan vel pawh a buai phah hle. Dhaka-ah nimin zing khan Darus Salam leh Shah Ali police station area-ah thawktute hi an pungkhawm a, kawng zawh an tum chu police-te an lo dang a ni. Rorellai, Bangladesh Nationalist Party (BNP) hruaitute chuan thawktute nawrh huaihawt chungchanga prime minister aṭanga paihthlak tawh Sheikh Hasina leh a ṭhuihruaite chu inrawlha, nawrh hauihawta sorkar tihbuai leh tihchhiat tumna atan hman tumah an puh. Mahse, Hasina chuan an puhna hi a pha.
Garment factory-a thawkte hian ei leh in man to zel vang te, in luah man, vievahna leh healthcare man to zel avangin an hlawh bi, thla khata minimum wage taka12,500 chu taka 30,000 ah tihsan an phut a ni.