Xi, Putin leh Trump-ten remna thuchhuah an siam

China president Xi Jinping, Russia president Vladimir Putin leh US president Donald Trump-te chu Ningani khan China ram chhim lam, Guangdong provincee-a Shenzhen ah meeting an nei. Meeting zawhah ram hruaitu pathumte chuan remna thuchhuah, 'joint declaration on peace' an siam.

Thil thleng ngai lo tak, khawvel ram lian pathum hruaitute inhmuhkhawmna, three-way summit hian minute 90 vel a awh a, khawvela remna a awm a, nuclear indona neih loh an duh thute an sawi. Petroleum product sawngbawl tam zawk siam chhuahte an tiam.

Ram pathum hruaitute hian United Nations chu khawvel huapa harsatna thlengah rang leh awmze nei zawka hma a lak theihna tura siam ṭhat a ṭul thu an sawi. International Criminal Court leh court dangte pawhin an thuneihna chu an hmang sual tur a ni lo, an ti. Nuclear hlauhawm tihhniam dan chungchangah inbiakna neih a, nuclear ralthuam darh zau zel tur dan kawng an zawng bawk ang.

Remna thuchhuah an siamah hian Russia leh Ukraine indona thleng mek leh, US leh Iran buaina neih mekte tarlan tel a ni lo thung. Hei baka ram pathumte nuclear ralthuam siam tihtlem chungchang pawh sawilan a ni lo bawk.