Brazil President tharin thlei-bik awm lohna ram siam a tiam

Far-right congressman Jair Bolsonaro chu January 1 khan Brazil President thar atan rinawmna thu tiamtira lakluh a ni. President thar hian an ram chu thleibik awm lohna rama siam a tiam a, eirukna leh pawikhawihna laka fihlim tura an ram siam a tum thu a sawi. 

Nikum October 28-a president thlanna neihah Bolsonaro hian left-wing Workers Party candidate Fernando Haddad a hneh a ni. President atana thlan a nih hma hian army captain hlui Bolsonaro hi Brazil Congress lower house, Chamber of Deputies-ah term sarih thlan a lo ni tawh a ni. Political party hrang hrangah a awm tawh ṭhin a, tunah hian Social Liberal Party-ah a awm a ni.