China-in Pakistan tan indo lawng lian siamsak mek

China chuan a ṭhianṭha Pakistan ram tan Navy indo lawnglian a siamsak mek nia sawi a ni. 

Lawng satu China State Shipbuilding Corporation (CSSC) chuan he indo lawnglian hi hmanraw leh weapon system tunlai ber hmanga thuam niin, anti-ship, anti-submarine leh air-defence operation pawh tih theih vekna tur a nih thu a sawi. CSSC hian eng ang lawng chiah nge a ni tih sawilang lo mah se Shanghai-a Hudong-Zhongua shipyard-ah sak mek a nih thu a sawi. 

Hetihlai hian Pakistan Navy chuan China-in Navy indo lawng a sak sak mek hi Type 054AP anih thu a sawi a, hetiang lawng hi pali an order tih a sawi bawk. Heng lawngte hi hman theiha peihfel an nih hunah chuan Pakistan Navy tan hmasawnna tha tak a ni dawn a, hei bakah hian an ram venhimna kawngah, a bikin Indian Ocean region-ah a ṭangkai dawn hle tih an sawi a ni.