Global economic growth 2.9 % in tlahniam dawn : World Bank

World Bank chuan thu-chhuah siamin, kumin chhungin global economic growth chu 2.9% in a tlakhniam rin a nih thu a tarlang. 

Global Economic Prospects report a tihchhuah thar berah World Bank chuan global economy hmalam chu a thim hle nia sawiin, khawvel sum dinhmun chu a ṭhat loh bakah insumdawn tawnna kawngah buaina a awm fo avangin economic lama hmasawnna nei mek te leh market lian zawkte chuan harsatna an tawk niin a sawi. 

Report-in a tarlan dan chuan economy ṭhanna pawh 2.2% aṭangin 2% in a tlahniam dawn a, central bank liante chuan monetary policy accommodation aṭangin inhnuh-dawh chhunzawm an tum bawk niin a sawi.

Ram ṭhangduang tak China pawh economic growth-ah kum hmasa-a 6.5 % chu kumin chuan 6.2%-ah a tlakhniam rin a ni.

World Bank Chief Executive Officer Krista-lina Georgieva chuan 2018 kumtirah khan global economy chu nasa takin a ṭhang dawn nia a lan laiin, kum laklawhah a ṭhanna chu a tlahniam niin a sawi a, kuminah phei chuan beisei a sang lo lehzual niiin a sawi.