Myanmar sipaiten Rakhine hel lakah beihpui thlak dawn

Myanmar sorkar chuan an sipaite chu kar kaltaa police station pali beitu, Rakhine hel lakah beihpui thlak turin a ti. 

Tun hnaiah Myanmar khawthlang lam, Rakhine state-ah hian security force leh helpawl, Arakan Army (AA) inkarah buaina a chhuak fo a ni. AA hian an state tana thuneihna sang zawk pek an phut a ni. Helpawl hi kum 2009-a din niin, tunah hian member sang tel an lalut thar nia sawi a ni. 

Kum 2017-a Myanmar sipaite beihpui thlakna avangin Rakhine state-a cheng, Rohingya Musllim nuai tel chu Bangladesh ramah an lo tlanchhe tawh bawk. 

Kar kalta Zirtawpni, Myanmar Independence Day khan Bangladesh ramri bul, Buthidaung khuaa police post pali chu zingah AA helhoin an bei a, police officer 13 an thih bakah pakua-in hliam an tuar bawk. AA chuan sipaiten police station hi inphenna atan an hmang niin an puha, heta ṭang hian helho chu an bei niin an sawi.