Rohingya Hindu refugee-ten Myanmar-a kir duh

Myanmar aṭanga Bang-ladesh rama Rohingya raltlan zinga Hindu-te chuan Myanmar ramah kir an duh a, mahse Bangladesh official-ten an remti lo nia sawi a ni. 

Bangladesh-a Kutupalong Refugee Camp-a Rohingya Hindu chhung-kua 105-te chuan nikum May thlaa UN in inremna a siampui khan Myanmar rama kir hi an duh a, mahse UN hian Myanmar ram chu kirna turin a la him tawk lo nia a ngaih avangin Bangladesh-ah hian awmtir an la ni. 

Hindu refugee-te a hranin dah an ni a, an awmna hmun hi Hindu Camp tih a ni a, venhimna ṭha tak pek an ni bawk.  Hindu refugee-te hian India sorkar hnenah pawh ṭanpuina an ngen tawh bawk. 

Bangladesh-a Refugee, Relief and Repatriation Commission chuan raltlan zinga Muslim tel loa Hindu chauh thawn kir chu a him tawk lo niin an ngai a, raltlante chu an vaiin ang khata enkawl vek an nih thu leh, Hindu bik chauh ngaihsak bik chu a dik lo niin a ngai tih commission official Shamimul Huq Patel chuan a sawi.